ოპტიკური გადასვლები კვაზიერთგანზომილებიან ნანოსტრუქტურებში

ნაშრომში შესწავლილია ერთნაწილაკოვანი მდგომარეობები იზოლირებულ კვანტურ მავთულში უსასრულო და სასრული კედლებიანი შეზღუდვით. გამოვიკვლიეთ ენერგეტიკული სპექტრი და ტალღური ფუნქციები, რომელთა მეშვეობითაც გამოვთვალეთ დონეებს შორის ერთ წამში გადასვლის ალბათობა დიპოლურ მიახლოებაში . ჩვენ გამოვთვალეთ ინტრაზონური (შიდაზონური) ოპტიკური გადასვლების ალბათობები ჰიპოტეტურ ნანომავთულში სხვადასხვა ეფექტური მასების და შემზღუდავი პოტენციალის სიმაღლისთვის . ნანომავთულის რადიუსი ვცვალეთ 2-4.5 ნმ-მდე , ხოლო შემზღუდავი პოტენციალის სიმაღლე 0.5-1.9 ევ-მდე. მიღებული შედეგები გვაჩვენებს რომ ერთ წამში გადასვლის ალბათობა შემზღუდავი პოტენციალის ზრდასთან ერთად კლებულობს . ასეთივე დამოკიდებულება შეინიშნება ეფექტური მასების ცვლილებისას , ეფექტური მასების ზრდასთან ერთად ექსპონენციალურად მცირდება ერთ წამში გადასვლის ალბათობათა რიცხვი.